American Express

RREGULLORJA DHE RREGULLAT E RRJETIT TE AMERICAN EXPRESS® ALPHA BANK-ALBANIA

Alpha Bank-Albania kërkon që të gjithë vizitorët e Faqes sonë të internetit në gjithë Botën, të ndjekin rregulloren dhe rregullat e poshtëshënuara në rast se gjatë përdorimit të Faqes sonë hasin produkte dhe shërbime që kanë të bëjnë me markat e American Express. Duke hyrë në Faqe, ju tregoni se jeni në dijeni dhe i pranoni këto kushte.

1. ZOTËRIMI I FAQES SË INTERNETIT
   Kjo Faqe interneti zotërohet dhe kontrollohet nga Alpha Bank-Albania. Kompania American Express, filialet dhe degët e saj nuk kanë asnjë përgjegjësi ose detyrim për Faqen e internetit.
   
   
2. LIGJI DHE RREGULLAT
   Përdorimi dhe hyrja në këtë Faqe interneti është subjekt i të gjitha ligjeve të zbatueshme kombëtare dhe vendore, si dhe rregullave të aplikuara për rrjetin.
   
   
3. E DREJTA E AUTORIT/MARKAT TREGTARE
   Markat tregtare, logot dhe markat e shërbimit (“Markat”) të shfaqura në Faqen e internetit i përkasin Alpha Bank-Albania, American Express dhe palëve të tjera. Përdoruesit janë të ndaluar të përdorin Markat e paraqitura në këtë Faqe pa autorizimin e Alpha Bank-Albania, American Express dhe palëve të treta që mund të kenë në pronësi Markat.
   Çdo material në këtë Faqe interneti është e mbrojtur nga e drejta e autorit. Përdoruesit janë të ndaluar të modifikojnë, kopjojnë, shpërndajnë, transmetojnë, publikojnë, shesin, liçensojnë, të krijojnë vepra të prejardhura ose të përdorin përmbajtje të kësaj Faqe, për qëllim tregtimi ose publik.
   
   
4. MOS-GARANTIMI
   I GJITHË INFORMACIONI NË FAQE J’U OFROHET “SIC ESHTE” PA ASNJË LLOJ GARANCIE, QOFTË E SHPREHUR APO E NËNKUPTUAR., DUKE PËRFSHIRË POR PA U KUFIZUAR NË, GARANCITË E NËNKUPTUARA TË TREGTIMIT DHE PËRSHTATJES PËR NJË QËLLIM TË VECANTË, TITULLIT, MOS-SHKELJES SË TË DREJTAVE, SIGURISË OSE SAKTËSISË. Alpha Bank-Albania dhe American Express nuk janë përgjegjës dhe nuk vërtetojnë saktësinë ose seriozitetin e çdo opinioni, këshille ose deklarate të publikuar në këtë Faqe nga palë të tjera. Në asnjë rast American Express nuk është përgjegjëse për humbje ose dëme të shkaktuara nga informacione që përdoruesit i kanë marrë nëpërmjet rrjetit. Është përgjegjësia e përdoruesit të vlerësojë saktësinë, plotësinë ose përdorimin e çdo lloj informacioni, opinioni, këshille, ose çdo lloj materiali tjetër të mundësuar nga rrjeti.
   Ju lutemi kërkoni mendimin e profesionistëve për sa i përket vlerësimit të informacioneve specifike, opinioneve, këshillave apo çfarëdo përmbajtje tjetër.
   
   
5. KUFIZIMI I PËRGJEGJËSISË
   Alpha Bank-Albania dhe American Express nuk mbajnë asnjë përgjegjësi (qoftë kjo kontraktore, jashtëkontraktore, e kufizuar ose e pakufizuar) për asnjë dëm të lidhur me përdorimin e Faqes qoftë ky direkt, indirekt, rastësor ose dëme të veçanta që rrjedhin ose janë në çdo mënyrë të lidhur me aksesin në Faqe ose përdorimin e Faqes, (edhe nëse Alpha Bank-Albania ose American Express janë vënë në dijeni për mundësinë e këtyre dëmeve) duke përfshirë këtu edhe përgjegjësi të lidhur me viruse që mund të infektojnë kompjuterin e përdoruesit.
   
   
6. FSHEHTËSIA E KOMUNIKIMIT TË PËRDORUESIT
   Përveç rastit kur kërkohet me ligj, Alpha Bank-Albania do të ruajë fshehtësinë e të gjitha komunikimeve të përdoruesit që përmbajnë informacione personale të përdoruesit dhe të cilat i transmetohen direkt Alpha Bank-Albania. Postime/shënimet nga një përdorues në një tabelë mesazhesh ose në dhoma chat-i, nuk do të konsiderohen si private dhe si të tilla Alpha Bank-Albania mund t’i përdorë ose shpërndajë këto informacione (duke përfshirë këtu ide, koncepte, njohuri ose pronësi intelektuale të tjera) te çdo shoqëri mëmë, filiale dhe degë ose tek American Express për çfarëdo arsye dhe kur konsiderohet e përshtatshme nga Alpha Bank-Albania dhe është konform ligjit të zbatueshëm.
   
   
7. FAQE INTERNETI TË LIDHURA
   Alpha Bank-Albania dhe American Express nuk janë përgjegjës për përmbajtjen e disponueshme në Faqe të tjera interneti të lidhura me Faqen e Alpha Bank-Albania. Hyrja në Faqe të tjera të lidhura me Faqen e Alpha Bank-Albania është në përgjegjësi të vetë përdoruesit.
   
   
8. POSTIMET/SHËNIMET
   Alpha Bank-Albania dhe American Express nuk kanë asnjë detyrim të rishikojnë mesazhe, informacione ose përmbajtje të postuara në Faqe nga përdoruesit dhe nuk marrin asnjë përgjegjësi për postime/shënime të tilla. Pavarësisht nga deklarata e mësipërme Alpha Bank-Albania, mund të monitorojë herë pas here Faqen për postime/shënime të tilla dhe të pranojë ose refuzojë postime/shënime të cilat përmbajnë:
   1. Çdo material që ka përmbajtje të dëmshme, kërcënuese, abuzive, ngacmuese, diskretituese, vulgare, të pahijshme, profane, raciste, etnike ose çdo material të dëmshëm të çdo lloji duke përfshirë këtu por pa u kufizuar në materiale që mund të shtyjnë dikë të kryejë një kundravajtje penale, të sjellë përgjegjësi civile ose përndryshe të shkelë ligjin vendor, shtetëror, kombëtar apo ndërkombëtar.
   2. Reklama të çdo lloji.
   3. Mesazhe nga përdorues që imitojnë të tjerë.
   4. Informacione personale si mesazhe që tregojnë numra telefonash, numra sigurimesh shoqërore, numra llogarie, adresa ose referenca punëdhënësi.
   5. Mesazhe nga persona të paautorizuar punonjës të Alpha Bank-Albania ose American Express, të cilët lëshojnë deklarata në emër të Alpha Bank-Albania ose American Express.
   6. Mesazhe që ofrojnë shkarkim të paautorizuar të informacioneve private ose të mbrojtura nga e drejta e autorit.
   7. Mesazhe të shumëfishta të vendosura brenda dosjeve individuale nga i njëjti përdorues që theksojnë të njëjtën gjë.
   8. Letrat zinxhir të çdo lloji.
      
      
9. TRANSMETIM I TË DHËNAVE PERSONALE
   Përdoruesi është në dijeni dhe është dakord që duke i siguruar Alpha Bank-Albania informacione personale dhe të regjistruara të përdoruesit përmes Faqes, përdoruesi të pranojë transmetimin e këtyre të dhënave përtej kufijve ndërkombëtarë, si të nevojshme për përpunim në përputhje me praktikat standarte të biznesit të Alpha Bank-Albania.
   
   
10. NDRYSHIME NË RREGULLORE
    Alpha Bank-Albania, ka të drejtën të rishikojë Rregulloren dhe Rregullat e Rrjetit në çdo çast dhe përdoruesit duhet të informohen për ndryshimet në këtë Rregullore dhe Rregulla dhe t’i zbatojnë ato. (me përjashtim të kushteve që kanë të bëjnë me American Express)
    
    
11. SHKELJE E RREGULLORES
    Alpha Bank-Albania dhe American Express kanë të drejtën të kërkojnë kompensim konform ligjit për shkeljen e Rregullores dhe Rregullave të Rrjetit, duke përfshirë këtu edhe të drejtën për të bllokuar hyrjen në Faqe nga një adresë e veçantë Interneti.
    
    
12. HYRJA NË ZONË TË MROJTUR/LEJEKALIMI
    Hyrja dhe përdorimi i zonave të Faqes të mbrojtura me lejekalim, i lejohen vetëm personave të autorizuar. Persona të paautorizuar që tentojnë të hyjnë në këto zona të Faqes mund të ndiqen penalisht.