Tiparet e Kartës

Pagesat me këste pa interes të bëra nga tregtarët kryesore në Shqipëri ju japin mundësinë që ju të shlyeni blerjet tuaja deri në një vit.

Nëse Karta juaj American Express Gold humbet, dëmtohet, ose vidhet, mos u shqetësoni. Thjesht na njoftoni menjëherë dhe ne do t’ju sigurojmë zëvendësimin e saj brenda një dite pune nëse gjendeni brenda vendit, ose brenda dy ditë pune nëse gjëndeni jashtë, kudo që ju ndodheni.

Nga momenti që ju niseni për udhëtim deri sa arrini në destinacion, nëse bileta juaj është paguar pjesërisht apo plotësisht me Kartën American Express Gold, ju përfitoni sigurim jetë prej 40,000 Euro pa asnjë kosto shtesë. Gjithashtu, Karta Gold ju kompenson shpenzimet nëse udhëtimi juaj ndërpritet për arsye vonese, ose nëse bagazhet tuaja vonohen.

Ju mund të përdorni Kartën American Express Gold për të tërhequr para nga bankomatet në të gjithë Botën.
• Limiti ditor: 75,000 Lek
• Limiti mujor: 300,000 Lek

Nëse udhëtoni jashtë vendit ju ofrohet shërbim referimi në raste urgjente 24 orë në ditë, 7 ditë në javë. Ky shërbim ju referon në raste urgjente shërbimet lokale mjekësore dhe legale kudo që ndodheni si dhe asistencë në zëvendësimin e biletës në rast se ju humbet, konsulencë për udhëtime (p.sh. informacion për kërkesë vize apo dogane), përkthyes dhe paradhënie cash në raste urgjente.
Zëvendësimi i biletës dhe paradhënie cash në raste urgjente do të debitohen nga llogaria e Anëtarit të Kartës dhe duhet të autorizohen paraprakisht nga lëshuesi i Kartës.

Ju ofrohen 20 ditë periudhë falas për blerjet duke filluar që nga dita e nxjerrjes së llogarisë tuaj. Kjo ju jep mundësinë të paguani shumën e plotë të blerjeve pa paguar interes mbi këtë shumë gjatë asaj periudhe.
Ju jeni të lirë të shpenzoni me Kartën Gold aq para sa keni vërtetuar se mund të përballoni. Mund t’ju kërkohet vërtetim mbi të ardhurat dhe depozitën tuaj si kolateral.
Për të gjitha transaksionet aplikohet komision dhe komisioni i këmbimit paguhet në momentin e tërheqjes cash nëse transaksioni është kryer në një monedhë ndryshe nga monedha vendase Lek.
Nëse na njoftoni menjëherë pasi të keni zbuluar ndonjë transaksion të dyshimtë dhe jeni në përputhje me termat dhe kushtet e Kartës, ju nuk do të jeni përgjegjës për asnjë blerje të paautorizuar nga ana juaj.