Rreth kompanisë

RRETH KOMPANISË

Në Maj të 2008-ës, Alpha Bank - Albania bëhet lëshuesi i kartave më prestigjioze të kreditit në të gjithë Botën, Kartat American Express®. Që atëhere, Alpha Bank – Albania, ka lëshuar 2 lloje kartash American Express dhe programe bashkëpunimi midis markave të ndryshme, të dizenjuara për të përmbushur kërkesat e klientit:

• Kartat e Kreditit: Karta e kreditit American Express Alpha Bank-Albania dhe Karta e Kreditit American Express Alpha Bank-Albania Gold

Me më shumë se 3800 kartëmbajtës dhe një rrjet prej 700 tregtarësh, American Express Alpha Bank-Albania përfaqëson një pjesë të konsiderueshme të tregut të kartave të kreditit në Shqipëri, duke iu ofruar klientëve një gamë të gjerë përfitimesh dhe avantazhesh.

RRETH AMERICAN EXPRESS

American Express është një kompani e themeluar në 1850 që ofron shërbime të larmishme kudo në Botë; shërbime udhëtimi, shërbime financiare dhe rrjeti. Ajo udhëheq tregun e kartave të debitit dhe kreditit në Botë, çeqet e udhëtarit, udhëtimet dhe shërbime biznesi. Që nga viti 1996 American Express ka ndjekur një strategji agresive për të hapur dhe zgjeruar rrjetin e tregtarëve si dhe portofolin e palëve të treta, lëshuese të Kartave American Express në Botë. Duke forcuar këtë strukture globale si dhe markën e saj, American Express ka zgjeruar edhe më shumë rrjetin e saj në të gjithë Botën. American Express tashmë ka vendosur dhe stabilizuar marrëdhënien e saj me përafërsisht 110 partnerë në më tepër se 120 vende të globit.